قصيدة الغلا

قصيدة يحاول الشاعر فيها توضيح موقفه ، قصيدة حلوة وتوحي بان الشاعر يعاني من الالم وعلى وشك مفارق من يحب

بسم الغلا بسم اللقا بسم الاشـواق

وبسم المحبه والـوفا والمـشاريه

وبسم القصيد اللي ملك سحر الأذواق

ترحيبة الغالي على شوف مغليه

مـن قـبل قرص الشمس ينزل بالآفاق

ذيب ٍعلى رجـم القـصيده مساريه

لـجّـة عليه ضـلوع صدري والأعماق

واليا سمعت الصوت جيته مخاويه

ياذيب صدري من عـنا الوقت ماضاق

منازل الحاضر على أطلال ماضيه

كان السفر قطعة عذابه بالاوراق

واللي حطب سطح السفينه غرق فيه

صب الجـنون بـكاس عـقله ولا فـاق

ولا لقى بـين الـبشر مــن يصحيه

من موطن الـغربه عـلى مـوعد فـراق

ومن اصدق وعود الـغلا يـوم الاقـيه

والشعر شيخ ٍ مابنى لـبيته رواق

ياحظ منهو بـيت طـيبه مـذريـه

اللي ملا عين الـرجا بـين الاحداق

لامـن ذكـر وقـفات عــز لبنيخـيـه

بحر القصيد~